Буюк Британия бош вазири Кир Стармер томонидан ташкил этилган Киев иттифоқдошларининг онлайн саммитида Лондон сулҳ тузилгандан сўнг ўз ҳарбийларини Украинага юборишга тайёр бўлган “жуда кўп” мамлакатларнинг қўллаб-қувватловига эга бўлди. Бу ҳақда The Sunday Times ҳукуматдаги юқори мартабали манбаларига таяниб хабар тарқатган.
Маълум бўлишича, контингент сони 10 минг кишидан ошади, тинчликпарвар кучларнинг асосий қисми катта эҳтимоллик билан Буюк Британия ва Франциядан бўлади.
Шунингдек, тахминан 35 мамлакат тинчликпарвар миссия доирасида қурол-яроғ, логистика ва разведка ёрдамини тақдим этишга тайёр, экани айтилмоқда.
