AsosiyJamiyat

O‘zbekiston Afg‘onistonga 200 tonna oziq-ovqat yubordi

Navro‘z bayrami va yaqinlashib kelayotgan Ramazon hayiti munosabati bilan Afg‘oniston aholisiga navbatdagi insonparvarlik yuki yetkazildi.

'O‘zbekiston Afg‘onistonga 200 tonna oziq-ovqat yubordi'ning rasmi

O‘zbekiston Respublikasi Prezidenti Shavkat Mirziyoyevning topshiriqlariga muvofiq xalqning bag‘rikenglik va qo‘llab-quvvatlash ramzi sifatida Navro‘z bayrami va yaqinlashib kelayotgan Ramazon hayiti (Iyd al-Fitr) munosabati bilan Afg‘oniston aholisiga qariyb 200 tonna oziq-ovqat mahsuloti ortilgan navbatdagi insonparvarlik yuki qo‘shni mamlakatning Balx viloyatiga yetkazildi.

Bu haqda xabar bergan Surxondaryo viloyati hokimligi matbuot xizmatiga ko‘ra, qo‘shni mamlakatga yetkazilgan zarur oziq-ovqat mahsulotlari Hayraton shahridagi Astras kompaniyasi hududida O‘zbekiston Respublikasi Prezidentining Afg‘oniston bo‘yicha maxsus vakili Ismatilla Ergashev, Surxondaryo viloyati hokimi Ulug‘bek Qosimov, shuningdek, Mudofaa, Transport, Qurilish va uy-joy kommunal xo‘jaligi va Tashqi ishlar vazirliklari mutasaddilari hamda Balx viloyati gubernatori Muhammad Yusuf Vafo hamda ikki tomon rasmiylari ishtirokida topshirilgan.

Insonparvarlik yordami tarkibidan un, bug‘doy, makaron mahsulotlari, o‘simlik yog‘i, shakar, tez tayyorlanadigan taomlar, qizil loviya va mosh o‘rin olgan.

Shuningdek, Mozori Sharif shahrida ikki tomonlama uchrashuv o‘tkazilib, kelgusidagi hamkorlik aloqalarini rivojlantirish masalalari muhokama qilingan. Suhbat davomida O‘zbekiston tomonidan Afg‘onistonda barpo etilayotgan Imom Buxoriy maqbarasi qurilishi haqida ham alohida fikr almashilgan.

Bildirilishicha, Afg‘oniston rasmiylari O‘zbekiston Prezidenti va xalqiga ko‘rsatayotgan yordam uchun minnatdorchilik bildirib, yaqinlashib kelayotgan Ramazon hayiti munosabati bilan samimiy tabriklarini yo‘llagan. Tashrif davomida amalga oshirilayotgan yangi loyihalar bilan ham tanishilgan.

    Bizni ijtimoiy tarmoqlarda kuzatib boring

    Boshqa yangiliklar

    'Qashqadaryoda boshiga temir tirgak tushib ketgan 12 yoshli qiz vafot etdi'ning rasmi

    Jamiyat 30.08.2025 20:28

    Qashqadaryoda boshiga temir tirgak tushib ketgan 12 yoshli qiz vafot etdi

    Temir tirgak qurilishi tugallanmagan binoning yuqori qavatidan tushgan.

    'Rossiyada qiyin ahvolda qolgan 16 kishi O‘zbekistonga olib kelindi'ning rasmi

    Jamiyat 30.08.2025 19:13

    Rossiyada qiyin ahvolda qolgan 16 kishi O‘zbekistonga olib kelindi

    Ular aksariyati ayollar va ularning voyaga yetmagan bolalari.

    '"Open budget"da yangi mexanizm joriy etiladi'ning rasmi

    Jamiyat 30.08.2025 18:31

    "Open budget"da yangi mexanizm joriy etiladi

    Endi "Tashabbusli byudjet"da ovoz yig‘masdan g‘olib bo‘lishi imkoniyati beriladi.

    'Тошкентдан Сеулга учадиган самолёт аэропортга қайтарилди'ning rasmi

    Jamiyat 30.08.2025 17:11

    'Toshkentda mudhish voqea yuz berdi'ning rasmi

    Jamiyat 30.08.2025 12:48

    Toshkentda mudhish voqea yuz berdi

    BMW haydovchisi 48 yoshli piyodani urib yubordi.