Tadbir doirasida poytaxtda “Palov muzeyi”ning rasmiy ochilishi rejalashtirilgan. Caravan Group rahbari va Restorator va otelerlar uyushmasi raisi Timur Musinning aytishicha, ushbu muzey birgina mahalliy mahsulot qanday qilib kuchli gastronomik ekotizimga aylanishining yaqqol namunasi hisoblanadi. Palov — bu shunchaki taom emas, bu falsafiy tushuncha va o‘zligimizning bir qismi hisoblanadi, deydi Timur Musin.
Aslini olganda mazkur muzey bir oy avval tashkil etilgan bo‘lsada, sammit kunlari yangicha qiyofada mehmonlar va tomoshabinlar uchun quchoq ochadi.
5000 kv.m. maydonni egallagan ushbu muzeyda nafaqat O‘zbekistonning turli viloyatlariga xos osh-palov turlaridan tatib ko‘rish, balki Markaziy Osiyoning tarixi, me’morchiligi va an’analari bilan ham oshno bo‘lish mumkin.
Abdulloh Sayyid
