Тадбир доирасида пойтахтда “Палов музейи”нинг расмий очилиши режалаштирилган. Caravan Group раҳбари ва Ресторатор ва отельерлар уюшмаси раиси Тимур Мусиннинг айтишича, ушбу музей биргина маҳаллий маҳсулот қандай қилиб кучли гастрономик экотизимга айланишининг яққол намунаси ҳисобланади. Палов — бу шунчаки таом эмас, бу фалсафий тушунча ва ўзлигимизнинг бир қисми ҳисобланади, дейди Тимур Мусин.
Аслини олганда мазкур музей бир ой аввал ташкил этилган бўлсада, саммит кунлари янгича қиёфада меҳмонлар ва томошабинлар учун қучоқ очади.
5000 кв.м. майдонни эгаллаган ушбу музейда нафақат Ўзбекистоннинг турли вилоятларига хос ош-палов турларидан татиб кўриш, балки Марказий Осиёнинг тарихи, меъморчилиги ва анъаналари билан ҳам ошно бўлиш мумкин.
Абдуллоҳ Саййид
