Shahram G‘iyosov prof boksdagi 17-g‘alabasini qo‘lga kiritdi. G‘iyosov AQSHning Nyu-Jersi shtati, Atlantik-Siti shahrida tashkil etilgan boks oqshomida ringga ko‘tarildi. Bokschiga argentinalik Franko Maksimiliano Okampo raqiblik qildi. 10 raundga mo‘ljallangan jang 4-raundda yakunlandi.
Endi G‘iyosov Ennis - Staniosis to‘qnashuvi g‘olibiga qarshi WBA va IBF kamari uchun jang o‘tkazadi.
Jangdan so‘ng intervyu bergan sportchi shunday degan:
"Tayyorgarlik juda og‘ir bo‘ldi. Chunki men qizimni yo‘qotdim. Bilaman, hozir u meni ko‘rib turibdi. Meni tomosha qilyapti. Meni duolar qilib turibdi. Men unga va’da bergandim, men unga Jahon chempioni bo‘laman deb va’da bergandim. Meni uni juda yaxshi ko‘rardim. Men bu jangni va g‘alabamni qizimga bag‘ishlayman! Men qizimga Jahon chempioni bo‘daman deb va’da bergandim. U menga doim ishonardi. Menga imkoniyat bering va men buni uddalayman!" - degan u.
