Rossiyalik 19 yashar kibersportchi - Counter-Strike 2 (CS2) snayperi Ilya «m0NESY» Osipov kibersport tarixidagi eng qimmat transferga aylandi. Uning G2 Esports jamoasidan Saudiya Arabistonining Team Falcons kibersport klubiga o‘tishi uchun 2,5 million dollar to‘langan. Bu haqda bir qator kibersport nashrlari xabar berdi.
Team Falcons avvalroq Osipov uchun 3 million dollargacha to‘lashga tayyor ekanligini bildirgan, ammo G2 Esports uning transferiga rozilik bermagan. Natijada, m0NESY 2025 yilning birinchi yarmida G2 tarkibida qolishi kutilmoqda.
Ma’lumki, Team Falcons jamoasi 2024 yildagi bir qator muvaffaqiyatsizliklardan so‘ng o‘z tarkibini qayta shakllantirishga qaror qilgan edi. Jamoa G2 Esports sardori Nikola «NiKo» Kovachni o‘z tarkibiga qo‘shib oldi. Shuningdek, Team Falcons finlyandiyalik iste’dodli o‘yinchi Djimi «Jimpphat» Saloni ham jalb qilishga harakat qilmoqda
Counter-Strike 2 — Valve kompanisi tomonidan ishlab chiqilgan va 2023 yilda chiqarilgan mashhur shuter o‘yinning yangi versiyasidir. U kibersport dunyosida eng ommalashgan o‘yinlardan biri hisoblanadi.
Ilya «m0NESY» Osipov — Rossiyalik yosh snayper bo‘lib, 2022 yilda G2 Esports jamoasiga qo‘shilgan. U o‘zining tezkor reaksiyasi va aniq o‘yini bilan tanilgan. 2024 yilda u G2 bilan birga IEM Dallas, BLAST Premier Fall Final va BLAST Premier World Final musobaqalarida g‘olib chiqdi. Bu uni yilning eng yaxshi o‘yinchisi nomiga da’vogarlardan biriga aylantirdi.
Team Falcons’ning m0NESYga bo‘lgan qiziqishi uning yuqori darajadagi o‘yini va yoshligi bilan bog‘liq. Team Falcons Ilya yordamida jamoani yangi bosqichga olib chiqishni maqsad qilgan.
Abdulloh Sayyid
