Londonda Ukraina Britaniya, Fransiya va Germaniya vakillari bilan uchrashdi. Dastlab muzokaralarda tashqi ishlar vazirlari qatnashishi kerak edi, ammo AQSh Davlat kotibi Marko Rubio kelmadi, boshqa rasmiylar ham bunga qo‘shildi.
Shundan so‘ng Ukraina va Britaniya mudofaa va tashqi ishlar vazirlari alohida uchrashuv o‘tkazdi. Keyin esa Ukraina vakillari G‘arb davlatlari rahbarlarining maslahatchilari bilan ko‘p tomonlama muzokara o‘tkazdi.
Ukraina Prezident ofisi rahbari Andrey Yermakning aytishicha, ular AQSh prezidenti Donald Trampning tinchlik harakatlarini qo‘llab-quvvatlashlarini bildirgan. Yermakning so‘zlariga ko‘ra, tomonlar “Ukraina uchun adolatli tinchlik” yo‘lida maslahatlarni davom ettirishga kelishgan.
