Лондонда Украина Британия, Франция ва Германия вакиллари билан учрашди. Дастлаб музокараларда ташқи ишлар вазирлари қатнашиши керак эди, аммо АҚШ Давлат котиби Марко Рубио келмади, бошқа расмийлар ҳам бунга қўшилди.
Шундан сўнг Украина ва Британия мудофаа ва ташқи ишлар вазирлари алоҳида учрашув ўтказди. Кейин эса Украина вакиллари Ғарб давлатлари раҳбарларининг маслаҳатчилари билан кўп томонлама музокара ўтказди.
Украина Президент офиси раҳбари Андрей Ермакнинг айтишича, улар АҚШ президенти Доналд Трампнинг тинчлик ҳаракатларини қўллаб-қувватлашларини билдирган. Ермакнинг сўзларига кўра, томонлар “Украина учун адолатли тинчлик” йўлида маслаҳатларни давом эттиришга келишган.
