Fransiya, Ispaniya va Portugaliya bugun tarixdagi eng yirik elektr uzilishlaridan birini boshdan kechirdi. Fransiya elektr uzatish tarmog‘i (RTE) ba’zi hududlarda uzilish bo‘lganini tasdiqladi, biroq hozirda xizmat asta-sekin tiklanmoqda.
Evropa Ittifoqi Komissiyasi matbuot kotibi Paula Pinho X ijtimoiy tarmog‘ida vaziyat bo‘yicha bayonot berib, Ispaniya va Portugaliya hukumatlari bilan aloqada ekanliklarini bildirdi.
Madrid meri Xose Luis Martinez Almeida esa poytaxt aholisidan uydan chiqmaslikni iltimos qildi. Shahar hukumati barcha yo‘llarni ochiq saqlashga urinayotgan bo‘lsa-da, ba’zi avtomobil tunnellari yopildi. Mer aholiga faqat haqiqiy favqulodda vaziyatda tez yordam xizmatiga murojaat qilishni tavsiya etdi.
Ispaniyada poyezdlar to‘xtadi, metro bekatlari yopildi
Ispaniya temir yo‘llari barcha kompaniyalar faoliyatini vaqtincha to‘xtatganini e’lon qildi. Madrid metrosi esa barcha stansiyalarni yopishga majbur bo‘ldi. Shov-shuvli uzilish sababli ko‘plab vokzallarga qo‘shimcha xavfsizlik kuchlari yuborildi.
Elektr uzatish kompaniyasi Red Electrica Espanola (REE) trafo markazlaridagi nosozliklar ayrim hududlarda bartaraf etilganini bildirdi. Endesa kompaniyasi esa Barselona atrofidagi ayrim hududlarga elektr yetkazib berish tiklangani haqida xabar berdi.
Portugaliya: Sabab — kiberhujum bo‘lishi mumkin
Portugaliya vaziri Manuel Castro Almeida energiya tizimida yuzaga kelgan uzilishlar ehtimoliy kiberhujum bilan bog‘liq ekanini ta’kidladi. Uning aytishicha, hodisa faqat Portugaliyani emas, balki Ispaniya, Fransiya va Germaniyani ham zararga uchratgan.
Fransiya, Ispaniya va Portugaliya bugun tarixdagi eng yirik elektr uzilishlaridan birini boshdan kechirdi. Fransiya elektr uzatish tarmog‘i (RTE) ba’zi hududlarda uzilish bo‘lganini tasdiqladi, biroq hozirda xizmat asta-sekin tiklanmoqda.
Evropa Ittifoqi Komissiyasi matbuot kotibi Paula Pinho X ijtimoiy tarmog‘ida vaziyat bo‘yicha bayonot berib, Ispaniya va Portugaliya hukumatlari bilan aloqada ekanliklarini bildirdi.
Madrid meri Xose Luis Martinez Almeida esa poytaxt aholisidan uydan chiqmaslikni iltimos qildi. Shahar hukumati barcha yo‘llarni ochiq saqlashga urinayotgan bo‘lsa-da, ba’zi avtomobil tunnellari yopildi. Mer aholiga faqat haqiqiy favqulodda vaziyatda tez yordam xizmatiga murojaat qilishni tavsiya etdi.
Tarix takrorlandimi?
Bu voqea 2006-yildagi yirik elektr uzilishini eslatdi. O‘sha paytda ham Yevropa bo‘ylab millionlab odamlar elektrsiz qolib, transport tizimlari izdan chiqqan edi.
Evropa Kengashi o‘shanda uzilishlarning sababini yetarli xavfsizlik choralari ko‘rilmagani, texnik tayyorgarlik pastligi va tarmoqlararo muvofiqlik yo‘qligi bilan izohlagan edi.
Bugungi hodisa esa, Evropa energetika tizimi hali ham zaif ekanini yana bir bor ko‘rsatdi.
