Eronning markaziy qismida joylashgan Isfahon shahrida pirotexnika va portlovchi moddalar ishlab chiqarishga ixtisoslashgan kompaniya omborida portlash sodir bo‘ldi. Rasmiy ma’lumotlarga ko‘ra, hodisa oqibatida bir kishi halok bo‘lgan, yana ikki kishi tan jarohati olgan.
Ombor kimyoviy ishlab chiqarishga ixtisoslashgan sanoat majmuasi hududida joylashgan. Iran International nashrining xabar berishicha, ushbu korxona dronlar ishlab chiqarish bilan bog‘liq bo‘lishi mumkin.
Bu voqea Bandari Abbos shahridagi yirik portlashdan uch kun o‘tgach sodir bo‘ldi. U yerdagi falokatda 65 kishi halok bo‘lgan edi. Eron rasmiylarining bildirishicha, portlashga kimyoviy moddalarni saqlashdagi ehtiyotsizlik sabab bo‘lgan bo‘lishi mumkin.
Abdulloh Sayyid
