Dog‘iston Respublikasi poytaxti Maxachqal’ada noma’lum shaxslar YPX xodimlariga hujum qilgani haqida xabar berilmoqda.
Mahalliy OAVga ko‘ra, hodisa shaharning shimolidagi Tagirov ko‘chasida yuz bergan — noma’lum shaxslar navbatchilik qilayotgan YPX ekipajiga qarata o‘q uzgan.
Rasman tasdiqlanmagan ma’lumotlarga ko‘ra, voqea oqibatida bir nechta xodim halok bo‘lgan. RIA “Dag‘iston” axborot agentligi uch nafar YPX xodimi halok bo‘lganini bildirgan.
Hujumchilar hodisa joyidan xizmat avtomobilini olib qochgan holda yashiringan. Shundan so‘ng shahar hududida “Qidiruv” rejimi joriy etilgan.
