Chust, Xo‘jaobod va Oltinko‘l tumanlarida energiya resurslaridan noqonuniy foydalanganlik holatlari aniqlandi. Bu haqda Energetika vazirligining matbuot xizmati ma’lum qildi.
Qayd etilishicha, Chust tumanida “A.T.” MCHJ rahbari A.T. chorvachilikka moslashgan binosida tijorat maqsadida elektr tarmog‘iga o‘zboshimchalik bilan ulanib, 481,5 mln so‘mlik elektr energiyasidan noqonuniy foydalanganligi aniqlangan.
Shu kabi Xo‘jaobod tumanida “B.Ch.” xususiy korxonasi mas’ul shaxslari “Jahonobod” MFY hududidagi umumiy ovqatlanish shoxobchasida gaz tarmog‘iga o‘zboshimchalik bilan ulanib, 317,9 mln so‘mlik tabiiy gazdan noqonuniy foydalanganliklari fosh etildi.
Oltinko‘l tumanida esa “P.N.” MCHJ rahbari N.R. “Jalabek” MFY hududidagi avtomobillarga yoqilg‘i quyish shoxobchasida elektr tarmog‘iga o‘zboshimchalik bilan to‘g‘ridan-to‘g‘ri ulanib, 154,1 mln so‘mlik elektr energiyasidan noqonuniy foydalanganligi aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
