Ukrainaning ikki fuqarosi Germaniyada, yana biri Shveysariyada Rossiya maxsus xizmatlari manfaatlarini ko‘zlab qo‘poruvchilik tayyorlaganlikda gumon qilinib, qo‘lga olindi.
Nemis rasmiylarining fikricha, ukrainaliklar Germaniya hududi orqali portlovchi moddalar solingan posilkalarni yuborishlari kerak bo‘lgan. Germaniya Federativ xavfsizlik xizmatining (BfV) xabar berishicha, Ukrainlik uch kishi Germaniyada harbiy va transport obyektlariga hujumni rejalashtirganlikda ayblanadi.
Olmoniyaning federativ prokurorligi Ukraina fuqarosi bo‘lgan uch kishini Rossiya Bosh razvedka boshqarmasining (GRU) topshirig‘i bilan Germaniyada terrorchilik harakatlarini rejalashtirganlikda ayblab, qamoqka oldi. Rasmiy ma’lumotlarga ko‘ra, gumonlanuvchi shaxslar 2024 yil oktyabridan boshlab Berlin, Dyusseldorf va Frankfurt shaharlaridagi harbiy bazalar, transport infratuzilmasi va Amerikaning Germaniyadagi obyektlariga posilka bombalari orqali hujum qilishni rejalashtirgan.
Germaniya Ichki ishlar vaziri Nensi Faezer: "Bu – Rossiyaning Yevropadagi gibrid urүshining bir qismi. Ular mamlakatimiz birligiga putur yetkazmoqchi”, – dedi. BfV manbalariga ko‘ra, hibsga olingan shaxslar Rossiyaning GRU razvedka xizmati bilan bog‘liqlikdagi aloqalarni tasdiqlovchi elektron xatlar va pul o‘tkazmalarini izohlab berishgan.
Ukraina tashqi ishlar vazirligi esa aybdorlarning Ukraina bilan rasmiy aloqasi yo‘qligini ta’kidlab, "Rossiyaning provokatsiyalariga yo‘l qo‘yilmasligi"ni talab qildi. Kiyevdagi ekspertlar bu voqeani Rossiyaning Ukrainaga qarshi propaganda va jahon nazarini chalg‘itish maqsadida qo‘llanilayotgan mumkinligini bayon qildi. Ertaga – 15 may kuni Istanbulda o‘tkazilishi rejalashtirilgan Kiyev-Moskva bevosita muloqoti fonida bu taxmin ishonarli ko‘rinadi.
Germaniya prokuraturasi hibsdagi shaxslarning telefon suhbatlarida "Yevropaning yadrovlik infratuzilmasini buzish" haqidagi izohlar topilganini ma’lum qildi. Bundan tashqari, ularning qo‘lidan portlovchi vositalar, elektron sxemalar va boshqa terrorchilik uchun zarur materiallar topilgan.
Rossiya tomoni esa bu ayblovlarni "asossiz va aksilrossiya propaganda" deb rad etdi. Kreml matbuot vakili Dmitriy Peskov: "Bu – Germaniyaning NATOdagi manfaatlarini oqlash uchun qilingan bema’ni harakat", – deya izohladi.
Qayd etish joiz, 2025 yil boshidan beri Germaniyada Rossiyaga aloqador deb hisoblangan 10 dan ortik terrorchilik rejalari fosh etilgan. Yevropa Ittifoqi Rossiyaning gibrid kurolini (kiberhujumlar, dezinformatsiya va proksi-terrorchilik) "Yevropa xavfsizligi uchun asosiy tahdid" deb e’lon qilgan.
Abdulloh Sayyid
