Украинанинг икки фуқароси Германияда, яна бири Швейцарияда Россия махсус хизматлари манфаатларини кўзлаб қўпорувчилик тайёрлаганликда гумон қилиниб, қўлга олинди.
Немис расмийларининг фикрича, украиналиклар Германия ҳудуди орқали портловчи моддалар солинган посилкаларни юборишлари керак бўлган. Германия Федератив хавфсизлик хизматининг (BfV) хабар беришича, Украинлик уч киши Германияда ҳарбий ва транспорт объектларига ҳужумни режалаштирганликда айбланади.
Олмониянинг федератив прокурорлиги Украина фуқароси бўлган уч кишини Россия Бош разведка бошқармасининг (ГРУ) топшириғи билан Германияда террорчилик ҳаракатларини режалаштирганликда айблаб, қамоқка олди. Расмий маълумотларга кўра, гумонланувчи шахслар 2024 йил октябридан бошлаб Берлин, Дюссельдорф ва Франкфурт шаҳарларидаги ҳарбий базалар, транспорт инфратузилмаси ва Американинг Германиядаги объектларига посилка бомбалари орқали ҳужум қилишни режалаштирган.
Германия Ички ишлар вазири Нэнси Фаэзер: "Бу – Россиянинг Европадаги гибрид урүшининг бир қисми. Улар мамлакатимиз бирлигига путур етказмоқчи”, – деди. BfV манбаларига кўра, ҳибсга олинган шахслар Россиянинг GRU разведка хизмати билан боғлиқликдаги алоқаларни тасдиқловчи электрон хатлар ва пул ўтказмаларини изоҳлаб беришган.
Украина ташқи ишлар вазирлиги эса айбдорларнинг Украина билан расмий алоқаси йўқлигини таъкидлаб, "Россиянинг провокацияларига йўл қўйилмаслиги"ни талаб қилди. Киевдаги экспертлар бу воқеани Россиянинг Украинага қарши пропаганда ва жаҳон назарини чалғитиш мақсадида қўлланилаётган мумкинлигини баён қилди. Эртага – 15 май куни Истанбулда ўтказилиши режалаштирилган Киев-Москва бевосита мулоқоти фонида бу тахмин ишонарли кўринади.
Германия прокуратураси ҳибсдаги шахсларнинг телефон суҳбатларида "Европанинг ядровлик инфратузилмасини бузиш" ҳақидаги изоҳлар топилганини маълум қилди. Бундан ташқари, уларнинг қўлидан портловчи воситалар, электрон схемалар ва бошқа террорчилик учун зарур материаллар топилган.
Россия томони эса бу айбловларни "асоссиз ва аксилроссия пропаганда" деб рад этди. Кремл матбуот вакили Дмитрий Песков: "Бу – Германиянинг НАТОдаги манфаатларини оқлаш учун қилинган бемаъни ҳаракат", – дея изоҳлади.
Қайд этиш жоиз, 2025 йил бошидан бери Германияда Россияга алоқадор деб ҳисобланган 10 дан ортик террорчилик режалари фош этилган. Европа Иттифоқи Россиянинг гибрид куролини (киберҳужумлар, дезинформация ва прокси-террорчилик) "Европа хавфсизлиги учун асосий таҳдид" деб эълон қилган.
Абдуллоҳ Саййид
