Ukraina armiyasi safida yaqinda paydo bo‘lgan F-16 qiruvchi samolyoti ilk jangda yo‘qotildi. Samolyot Rossiya hujumiga qarshi havo jangida aloqa uzilib, qulab tushgan. Uchuvchi esa qutqarib qolindi.
Ukraina Qurolli kuchlari havo kuchlari 16-mayga o‘tar kechasi F-16 qiruvchisi bilan aloqa uzilganini ma’lum qildi. Samolyot Rossiya armiyasining navbatdagi hujumini qaytarish vazifasini bajarayotgan bo‘lgan.
Ukraina harbiylariga ko‘ra, uchuvchi havoda uchta nishonni yo‘q qilgan, to‘rtinchisi bilan to‘qnashuvda esa bortda texnik muammo yuzaga kelgan. Uchuvchi shoshilinch tarzda samolyotni aholi yashash punktidan chetroqqa yo‘naltirgan va muvaffaqiyatli katapulta qilgan.
U harbiylar tomonidan tezda topilib, xavfsiz hududga evakuatsiya qilingan. Rasmiylarga ko‘ra, uchuvchining hayoti xavf ostida emas, sog‘lig‘i barqaror.
Mazkur F-16 samolyotlari AQSh va NATO hamkorligida Ukrainaga yetkazilgan eng ilg‘or texnikalardan biri sanaladi. Ular Rossiya harbiy kuchlariga qarshi havodagi ustunlikni qo‘lga kiritish maqsadida Ukrainaga topshirilgan edi.
Bu holat F-16’larning ilk jangovar yo‘qotilishi sifatida qayd etilmoqda.
