Украина армияси сафида яқинда пайдо бўлган F-16 қирувчи самолёти илк жангда йўқотилди. Самолёт Россия ҳужумига қарши ҳаво жангида алоқа узилиб, қулаб тушган. Учувчи эса қутқариб қолинди.
Украина Қуролли кучлари ҳаво кучлари 16 майга ўтар кечаси F-16 қирувчиси билан алоқа узилганини маълум қилди. Самолёт Россия армиясининг навбатдаги ҳужумини қайтариш вазифасини бажараётган бўлган.
Украина ҳарбийларига кўра, учувчи ҳавода учта нишонни йўқ қилган, тўртинчиси билан тўқнашувда эса бортда техник муаммо юзага келган. Учувчи шошилинч тарзда самолётни аҳоли яшаш пунктидан четроққа йўналтирган ва муваффақиятли катапульта қилган.
У ҳарбийлар томонидан тезда топилиб, хавфсиз ҳудудга эвакуация қилинган. Расмийларга кўра, учувчининг ҳаёти хавф остида эмас, соғлиғи барқарор.
Мазкур F-16 самолётлари АҚШ ва НАТО ҳамкорлигида Украинага етказилган энг илғор техникалардан бири саналади. Улар Россия ҳарбий кучларига қарши ҳаводаги устунликни қўлга киритиш мақсадида Украинага топширилган эди.
Бу ҳолат F-16ъларнинг илк жанговар йўқотилиши сифатида қайд этилмоқда.
