Isroilning sobiq o‘ta o‘ngchi siyosatchisi Moshe Feyglin G‘azo sektorini to‘liq bosib olishga chaqirdi.
"G‘azodagi har bir bola, har bir go‘dak dushman," - dedi u.
U G‘azo ishg‘ol qilinganidan keyin isroilliklar uchun turar joylar yaratishga chaqirdi va "bu yerda birorta ham falastinlik bola qolmasligi kerak"ligini ta’kidladi.
Uning so‘zlariga ko‘ra, "ular G‘azoning mavjudligiga qarshi kurashmoqda."
"Siz hozir (G‘azoda) sut emadigan har bir bola 15 yildan keyin o‘g‘lingizni o‘ldiradi," - deya qo‘shimcha qildi Feyglin ocharchilikka qarshi kurashayotgan G‘azoga insonparvarlik yordami kiritilishiga qarshi chiqib.
Isroil ma’muriyati 18 martdan boshlab ikki oy davomida gumanitar yordam ortilgan birorta yuk mashinasini 2,3 millionga yaqin falastinlik yashayotgan va ochlik bilan kurashayotgan G‘azoga kiritmadi.
Xalqaro bosim natijasida Tel-Aviv ma’muriyati 19 maydan boshlab insonparvarlik yordami ortilgan cheklangan miqdordagi yuk mashinalariga G‘azo chegarasini kesib o‘tishga ruxsat berdi.
Isroil armiyasi insonparvarlik yordami ortilgan 93 ta yuk mashinasi G‘azo chegarasini kesib o‘tganini ma’lum qildi. Biroq Birlashgan Millatlar Tashkiloti chegarani kesib o‘tgan yordam hali falastinliklarga yetkazilmaganini ta’kidladi.
