2024 yil yakunlariga ko‘ra Turkiya Isroilga eng ko‘p mahsulot eksport qilgan davlatlar orasida beshinchi o‘rinni egalladi, deb xabar beradi Al Jazeera.
O‘tgan yilning birinchi choragida Turkiya Isroilga eng ko‘p mahsulot eksport qilgan beshta davlat qatoriga kirdi. Turkiya Iqtisodiy tadqiqotlar markazi (TİM) ma’lumotlariga ko‘ra, bu davrda Turkiyaning Isroilga umumiy eksporti 1,14 milliard dollarga yetdi. Bu ko‘rsatkich, 2023 yilning shu davriga nisbatan 21,6% kamaygan bo‘lsa-da, Turkiyaning umumiy eksportida Isroilning ulushi 2,06% ni tashkil etdi.
Eksport qilingan asosiy mahsulotlar qatorida cho‘yan va po‘lat, sement, shisha, keramika, tayyor kiyim-kechak, elektr va elektron uskunalar, mebel, qog‘oz va o‘rmon mahsulotlari, hamda avtomobil sanoati mahsulotlari bor. Masalan, mart oyida avtomobil sanoati 53,8 million dollarlik eksport bilan yetakchi bo‘ldi.
Biroq, 2024 yil 2 maydan boshlab, Turkiya Isroilga barcha turdagi eksport va import operatsiyalarini to‘xtatdi. Bu qaror, Isroilning G‘azodagi harbiy harakatlari va insonparvarlik yordamlarini cheklashiga javoban qabul qilindi. Turkiya Tashqi savdo vazirligi ma’lumotlariga ko‘ra, bu sanada keyin Isroilga hech qanday mahsulot eksport qilinmagan va import qilinmagan.
Turkiya hukumati, Isroil bilan savdo munosabatlarini to‘xtatish orqali, G‘azodagi insonparvarlik inqirozini yengillashtirish va mintaqada tinchlikni ta’minlashga qaratilgan xalqaro sa’y-harakatlarga qo‘shilishini bildirmoqda.
Abdulloh Sayyid
