Bugun, 5 iyun kuni poytaxt Toshkentning Olmazor tumanida 4 ta uyda yong‘in sodir bo‘ldi. Bu haqda Favqulodda vaziyatlar vazirligi matbuot xizmati ma’lum qildi.
Qayd etilishicha, yong‘in 06:27 da Toshkent shahar, Olmazor tumani, Farobiy 4-tor ko‘chasida shaxsiy xonadonlarning birida sodir bo‘lgan.
Shunga ko‘ra, yong‘in-qutqaruv ekipajlari soat 06:32 da voqea joyiga yetib borib, 07:12 da yong‘in qurshab olingan. Shu bilan yong‘in 07:34 to‘liq bartaraf etilgan.
Aytilgan manzilda joylashgan shaxsiy xonadonlar bir biriga tutash bo‘lganligi sababli yong‘in oqibatida 4 ta xonadon yonib zararlangani aniqlandi.
Ma’lumot uchun, hodisa oqibatida tan jarohati olgan fuqarolar to‘g‘risida xabar tushmagan.
