Dunyo shou-biznesining eng mashhur juftliklaridan biri — amerikalik qo‘shiqchi Keti Perri hamda aktyor Orlando Blum ajralganini rasman ma’lum qildi. Bu haqda ular vakillari “BBC News” nashriga bergan bayonotda bildirgan.
Bayonotda aytilishicha, so‘nggi oylarda ularning munosabatlari o‘zgarishga yuz tutgan va hozirda ular butun e’tiborini to‘rt yoshli qizlari tarbiyasiga qaratgan.
“Ular oilaviy uchrashuvlarini davom ettiradi, sababi ular uchun har doim ustuvor bo‘lgan narsa — farzandlarini sevgi, barqarorlik va o‘zaro hurmat muhiti ichida voyaga yetkazish”, — deyiladi bayonotda.
Shuningdek, ular bu bayonotni keng jamoatchilik orasida juftlik haqidagi qiziqish va muhokamalar ortgani tufayli berganini ta’kidlashgan.
Ma’lumot uchun, Keti Perri va Orlando Blum 2016 yildan beri birga edi. 2017 yilda ular qisqa vaqtga ajrashgan bo‘lsa-da, keyinchalik munosabatlarini tiklab, 2019 yil 14 fevral — Sevishganlar kunida unashtirilgan edi.
