Дунё шоу-бизнесининг энг машҳур жуфтликларидан бири — америкалик қўшиқчи Кети Перри ҳамда актёр Орландо Блум ажралганини расман маълум қилди. Бу ҳақда улар вакиллари “BBC News” нашрига берган баёнотда билдирган.
Баёнотда айтилишича, сўнгги ойларда уларнинг муносабатлари ўзгаришга юз тутган ва ҳозирда улар бутун эътиборини тўрт ёшли қизлари тарбиясига қаратган.
“Улар оилавий учрашувларини давом эттиради, сабаби улар учун ҳар доим устувор бўлган нарса — фарзандларини севги, барқарорлик ва ўзаро ҳурмат муҳити ичида вояга етказиш”, — дейилади баёнотда.
Шунингдек, улар бу баёнотни кенг жамоатчилик орасида жуфтлик ҳақидаги қизиқиш ва муҳокамалар ортгани туфайли берганини таъкидлашган.
Маълумот учун, Кети Перри ва Орландо Блум 2016 йилдан бери бирга эди. 2017 йилда улар қисқа вақтга ажрашган бўлса-да, кейинчалик муносабатларини тиклаб, 2019 йил 14 февраль — Севишганлар кунида унаштирилган эди.
