AQSH sobiq prezidenti Donald Tramp Transport vaziri Shon Daffini NASA rahbari etib tayinladi.
Donald Trampga ko‘ra, Shon Daffi mamlakat infratuzilmasini tiklash borasida muhim loyihalarga bosh-qosh bo‘lgan mutaxassis sifatida endilikda AQSH Milliy aeronavtika va kosmik tadqiqotlar boshqarmasiga (NASA) ham vaqtincha rahbarlik qiladi.
“Shon nafaqat transport masalalarida, balki zamonaviy havo harakatini boshqarish, yo‘l va ko‘priklarni zamonaviylashtirishda ham o‘zini ko‘rsatdi. U NASA kabi tobora muhim ahamiyat kasb etayotgan tashkilotga, hatto qisqa muddatga bo‘lsa ham, ajoyib rahbar bo‘ladi”, — deya yozdi Tramp.
Avvalroq Tramp milliarderni tayinlagan edi
2024 yil dekabr oyida Tramp NASA rahbari lavozimiga SpaceX bilan hamkorlik qiluvchi milliarder-astronavt Jared Ayzekmanni ko‘rsatgan edi. U Ayzekmanning koinotga bo‘lgan ishtiyoqi va astronavtlik tajribasini yuqori baholagan. Biroq aprel oyida tasdiqlangan nomzod iyun oyida Tramp tomonidan bekor qilindi.
Mask – Tramp mojarosi orqasida turgan sababmi?
“Reatures” manbalariga ko‘ra, Ayzekman nomzodi Ilon Mask ta’sirida ilgari surilgan. Biroq Tramp va Mask o‘rtasidagi munosabatlar yomonlashganidan so‘ng, Tramp maslahatchilar bosimi ostida bu qarorini o‘zgartirishga majbur bo‘lgan.
Ma’lumot uchun, Mask yaqinda “Amerika” partiyasini tashkil etib, Kongressga kirib borishni maqsad qilgan. Bu esa Trampning siyosiy maydonida raqobatchi yuzaga kelganini anglatishi mumkin.
