АҚШ собиқ президенти Доналд Трамп Транспорт вазири Шон Даффини NASA раҳбари этиб тайинлади.
Дональд Трампга кўра, Шон Даффи мамлакат инфратузилмасини тиклаш борасида муҳим лойиҳаларга бош-қош бўлган мутахассис сифатида эндиликда АҚШ Миллий аэронавтика ва космик тадқиқотлар бошқармасига (НАСА) ҳам вақтинча раҳбарлик қилади.
“Шон нафақат транспорт масалаларида, балки замонавий ҳаво ҳаракатини бошқариш, йўл ва кўприкларни замонавийлаштиришда ҳам ўзини кўрсатди. У NASA каби тобора муҳим аҳамият касб этаётган ташкилотга, ҳатто қисқа муддатга бўлса ҳам, ажойиб раҳбар бўлади”, — дея ёзди Трамп.
Аввалроқ Трамп миллиардерни тайинлаган эди
2024 йил декабрь ойида Трамп NASA раҳбари лавозимига SpaceX билан ҳамкорлик қилувчи миллиардер-астронавт Жаред Айзекманни кўрсатган эди. У Айзекманнинг коинотга бўлган иштиёқи ва астронавтлик тажрибасини юқори баҳолаган. Бироқ апрель ойида тасдиқланган номзод июнь ойида Трамп томонидан бекор қилинди.
Маск – Трамп можароси орқасида турган сабабми?
“Reatures” манбаларига кўра, Айзекман номзоди Илон Маск таъсирида илгари сурилган. Бироқ Трамп ва Маск ўртасидаги муносабатлар ёмонлашганидан сўнг, Трамп маслаҳатчилар босими остида бу қарорини ўзгартиришга мажбур бўлган.
Маълумот учун, Маск яқинда “Америка” партиясини ташкил этиб, Конгрессга кириб боришни мақсад қилган. Бу эса Трампнинг сиёсий майдонида рақобатчи юзага келганини англатиши мумкин.
