Buyuk Britaniya va Fransiya yetakchilari Rossiyaga bosimni kuchaytirishga chaqirdi

Buyuk Britaniya va Fransiya yetakchilari Rossiyaga bosimni kuchaytirishga chaqirdi. Bu haqda The Guardian nashri ma’lum qildi. 

Xabar berilishicha, Kir Starmer va Emmanuel Makron Moskvaga nisbatan bosimni kuchaytirish va Ukrainada o‘t ochishni to‘xtatish uchun yangi sanksiyalar joriy etishga kerakligini bildirdi.

"Biz harakatlarimizni tinchlikka tayyorgarlik ko‘rishga yo‘naltirishimiz kerak, bunga Putinni muzokaralarga majburlash orqali erishishimiz mumkin. Buning uchun muvofiqlashtirilgan bosim natija beradi", — dedi Starmer. 

Makron ham ittifoqchilarni Rossiyaga bosimni yanada kuchaytirishga chaqirdi.

Buyuk Britaniya va Fransiya yetakchilari “xohlovchilar koalitsiyasi” yig‘ilishiga raislik qilmoqda. Mazkur yig‘ilish gibrid formatda o‘tmoqda — Starmer va Makron NATO‘ning Britaniyadagi Nortvud qarorgohida joylashgan qo‘mondonlik markazidan turib ishtirok etmoqda.