2025 yil iyul oyida AQSHda 1300 ga yaqin odam qizamiqqa chalindi. Eng ko‘p holatlar — 750 dan ortig‘i — Texasda qayd etilgan. Bu 1992 yildan beri eng yuqori ko‘rsatkich.
Shuningdek, so‘nggi 10 yilda ilk bor ushbu kasallikdan 3 kishi vafot etdi — 2 nafar bola Texasda, 1 katta yoshli odam Nyu-Meksikoda. Ularning barchasi emlanmagan bo‘lgan.
Bolalar o‘rtasida emlash darajasi so‘nggi 3 yilda 95% dan 92,7% gacha tushib ketgan. Mutaxassislar bunga ayrim siyosatchilar va “antivaks” harakati sabab bo‘lganini aytishmoqda.
Sog‘liqni saqlash vaziri Robert Kennedi Jr. ilgari vaksinalar xavfli deb aytgan edi. Ammo kasallik avj olgach, u fikrini o‘zgartirib, emlashni eng samarali choradir, deb tan oldi.
