Vatikan tomonidan uyushtirilgan "Yoshlar yubileyi" doirasida dunyoning turli burchaklaridan Rimga kelgan milliondan ortiq katolik yoshlar ommaiviy ibodat – messada qatnashdi. Aksariyat ishtirokchilar tunni chodirlar, uyquxaltalar va gilamchalarda o‘tkazgan.
Papa Lev XIV yakshanba kunki messada: "Biz boshqalarning yovuzligidan eng ko‘p aziat chekayotgan yoshlarga har qachongidan yaqinmiz", — deydi.
U, shuningdek, "Biz G‘azo yoshlari bilan birmiz, Ukraina yoshlari bilan birmiz, yurtlari urushdan qon kechayotganlar bilan birmiz", — deya urushdan jabr ko‘rayotgan yosh avlodlarga hamdardlik izhor etdi.
