Ватикан томонидан уюштирилган “Ёшлар юбилейи” доирасида дунёнинг турли бурчакларидан Римга келган миллиондан ортиқ католик ёшлар оммавий ибодат – мессада қатнашди. Аксарият иштирокчилар тунни чодирлар, уйқухалталар ва гиламчаларда ўтказган.
Папа Лев XIV якшанба кунги мессада: “Биз бошқаларнинг ёвузлигидан энг кўп азият чекаётган ёшларга ҳар қачонгидан яқинмиз”, — дейди.
У, шунингдек, “Биз Ғазо ёшлари билан биргамиз, Украина ёшлари билан биргамиз, юртлари урушдан қон кечаётганлар билан биргамиз”, — дея урушдан жабр кўраётган ёш авлодларга ҳамдардлик изҳор этди.
