Kecha, 5 avgust kuni soat 22:20 da Qashqadaryo viloyati Koʻkdala tumanidagi avtomobillarga gaz quyish shoxobchasida yoqilgʻi quyish paytida avtosistarna chaqnadi. Natijada yongʻin kelib chiqdi.
Maʼlum boʻlishicha, 5 ta yongʻin-qutqaruv ekipaji soat 22:22 da voqea joyiga etib borgan va yongʻinni 22:50 da toʻliq oʻchirgan.
Hodisa oqibatida 1 avtosistarna va 10 kub metrlik propan saqlash rezervuari zararlangan. Sisterna haydovchisi yengil kuysh tan jarohati olgan.
Hozirda hodisaning sabablari oʻrganilmoqda. Viloyat va tuman FVB rahbarlari voqea joyiga etib borgan.