AQSh prezidenti Donald Trump Vashingtonda dunyodagi eng katta va eng go‘zal g‘alaba arkasini qurish rejasini taqdim etdi.
Ma’lum qilinishicha, loyiha yengil toshdan qurilgan arka, oltin elementlar, yuqori qismida ikkita metal burgut va markazda oltin haykalni o‘z ichiga oladi. Tegishli tasvirlar va rejalar Truth Social ijtimoiy tarmog‘ida e’lon qilingan.
Trumpning ta’kidlashicha, mazkur inshoot “dunyodagi eng katta va eng go‘zal arkaga aylanadi”.
“Bugun mening ma’muriyatim hurmatli San’at komissiyasiga dunyodagi eng katta va eng go‘zal g‘alaba arkasini qurish bo‘yicha taqdimot va rejalarni rasman taqdim etdi”, deb yozdi Donald Trump.
Qayd etilishicha, loyiha Harrison Design tomonidan ishlab chiqilgan bo‘lib, u amalga oshirilsa, Vashingtondagi eng baland inshootlardan biriga aylanishi mumkin.
