2026 yilgi Jahon chempionati “D” guruhi 2-turida AQSh terma jamoasi Avstraliyani 2:0 hisobida magʻlub etdi.
Sietl shahridagi bahsda hisob 11-daqiqada Kameron Berjessning avtogolidan soʻng ochildi. 44-daqiqada Aleks Frimen mezbonlarning ikkinchi golini kiritib, uchrashuv taqdirini hal qildi.
Ushbu gʻalaba orqali AQSh 6 ochko bilan guruh peshqadamiga aylandi va muddatidan avval pley-off yoʻllanmasini qoʻlga kiritdi. Avstraliya esa 3 ochko bilan ikkinchi oʻrinda bormoqda.
3-tur uchrashuvlari 26 iyun kuni boʻlib oʻtadi. Unda AQSh Turkiyaga qarshi, Avstraliya esa Paragvayga qarshi maydonga tushadi.
