Eron delegatsiyasi AQSh bilan bo‘ladigan muzokaralarda ishtirok etish uchun 10 aprel kuni kechqurun Islomobodga etib keldi. Bu haqda Pokiston Tashqi ishlar vazirligiga tayanib "Al Jazeera" xabar berdi.
Dastlabki ma’lumotlarga ko‘ra, Pokiston poytaxtiga Eron tashqi ishlar vaziri Abbos Arakchi va parlament spikeri Muhammad Bog‘ir G‘olibof tashrif buyurgan.
Ma’lum qilinishicha, Pokistonning AQShdagi elchisi Rizvon Sayyid Shoh muzokaralar oson kechmaganini ta’kidlab, bu jarayonni tomonlarning uzoq davom etgan diplomatik sa’y-harakatlari natijasi sifatida baholagan.
Tomonlar oldindan turli pozitsiyalarni bildirgan: AQSh sanksiyalarni yumshatish va Hormuz bo‘g‘ozini ochishni taklif qilgan bo‘lsa, Eron bo‘g‘oz ustidan nazoratni saqlab qolish hamda mintaqada harbiy harakatlarni to‘liq to‘xtatishni talab qilmoqda.
Shu bilan birga, muzokaralar arafasida har ikki tomon dastlabki kelishuvlar buzilgani haqida bir-birini ayblamoqda.
