Navoiy viloyati IIBning ma’lum qilishicha, voqea 2024 yil 22 avgust kuni tungi soat 2:00 atrofida “Ziyokor” mahallasida sodir bo‘lgan. Karmana tumanida yashovchi, 1994 yilda tug‘ilgan S.A. tanishlari bilan restoranga borib, ovqatlanganch, to‘lov qilish uchun avtomobilga chiqqan. Shu vaqtda restoran xodimi — 2004 yilda tug‘ilgan M.U. undan qolgan pulni to‘lashni so‘ragan.
Spirtli ichimlik ta’sirida bo‘lgan S.A. og‘zaki janjal asnosida M.U.ning yuziga urib, tan jarohati yetkazgan. Huquqni muhofaza qiluvchi organlar gumonlanuvchining Olimpiada chempioni emasligini, biroq u bilan restoranga kelgan shaxs — 1995 yilda tug‘ilgan ikki karra paralimpiada chempioni E.S. bo‘lganini anigladi.
Ma’lum qilinishicha, E.S. hodisa paytida avtomobil salonida bo‘lgan, keyinchalik mojaro yuzasiga aralashib, vaziyatni bartaraf etishga harakat qilgan va jabrlanuvchiga tez yordam chaqirtirgan.
Hodisa yuzasidan Jinoyat kodeksining 277-moddasi 1-qismi (bezorilik) bilan jinoyat ishi qo‘zg‘atilgan, S.A. prosessual tartibda ushlangan. Hozirda tergov ishlari davom etmoqda.
