AQSH sobiq prezidenti Jo Bayden peshonasidagi saraton hujayralarini olib tashlash uchun jarrohlik amaliyotini boshdan kechirdi. Bu haqda The Times nashri xabar berdi.
Baydenning matbuot kotibi maʼlumotiga koʻra, operatsiyada “Moos” usuli qoʻllanilgan. Bu metodda teri saratoni aniqlangan toʻqimalar qatlamma-qatlam olib tashlanadi — to u yerda saraton izlari qolmaguncha. Eʼtiborlisi, Baydenning rafiqasi Jill Bayden ham 2023-yilda oʻng koʻzi ustida xuddi shunday operatsiyani oʻtkazgan edi.
Ijtimoiy tarmoqlarda 82 yoshli Baydenning Delaverdagi cherkovdan peshonasi bogʻlangan holda chiqib ketayotgan videosi tarqaldi. Bu uning saraton bilan ilk toʻqnashuvi emas. Prezidentlik lavozimiga kirishishidan avval u teri saratoniga qarshi davolangan.
2023-yil fevral oyida koʻkrak qismidan bazal hujayrali karsinoma olib tashlangan edi. Shu yilning may oyida esa unda prostata bezi saratonining aggressiv shakli aniqlangan va kasallik suyaklarga ham tarqalganligi maʼlum boʻlgan. Bayden oʻzining ijtimoiy tarmoqdagid sahifasida shunday yozgan edi: “Saraton — har birimizning hayotimizga qandaydir tarzda tegadi. Koʻpchiligingiz singari, men va Jill ham sinovlardan oʻtib, aynan shu ogʻriqli nuqtalarda yanada kuchliroq boʻlishimizni angladik. Bizni mehringiz va qoʻllab-quvvatlashingiz bilan ruhlantirganingiz uchun minnatdormiz.”
