Prezident Donald Tramp AQSH Mudofaa vazirligiga «Urush vazirligi» nomini qaytarmoqchi. Avvalroq Oq uy rahbari “mudofaa so‘zi juda himoyavi eshitilishi”ni aytgandi.
Oq uyning ma’lum qilishicha, Tramp mazkur qarorni bugun imzolaydi. AQSHda II jahon urushi tugaguniga qadar Urush vazirligi va alohida Dengiz kuchlari bo‘lgan. Ular 1949 yilda rasman Mudofaa vazirligiga birlashtirilgan va yangi binoga ko‘chib o‘tgan.
New York Timessning yozishicha, Tramp ma’muryati – harbiy tuzilmani qayta shakllantirish, uning jangovar imkoniyatlarini namoyish etib, yanada agressiv obrazga moslashtirishni ko‘rsatadi, deb hisoblamoqda. Tramp bu fikrni ilk marta avgust oyida aytgan va Hegssetni «urush vaziri» deb atagan edi. «Biz Urush vazirligi davrida aql bovar qilmas tarixiy g‘alabalarga erishganmiz. Mudofaa juda himoyavi eshitiladi. Biz himoyada bo‘lishni xohlaymiz, ammo zarurat tug‘ilsa, hujumkor ham bo‘lishimiz kerak», – degan edi Tramp.
Florida shtatidan respublikachi senator va Trampning ashaddiy tarafdori Rik Skott ijtimoiy tarmoqlarda bu o‘zgarish Amerika uchun «urushlarni yutish qobiliyatini, ularga faqat javob qaytarishni» aks ettirradi, dedi.
Mudofaa vazirligi va vazir lavozimi Kongress aktlari orqali nomlangan, shuning uchun Trampning farmoni darhol kuchga kirishi nomo‘lum.
