AQSh Prezidenti Donald Trump Rossiya Prezidenti Vladimir Putin bilan yaqin kunlarda telefon orqali suhbatlashishini ma’lum qildi. Bu haqda u 7 sentabr kuni jurnalistlar savollariga javoban aytib o‘tdi.
Trump Ukraynadagi urushdan noroziligini bildirib, bu mojaronni tugatishga harakat qilishini ta’kidladi. “Men u yerdagi vaziyatdan mamnun emasman. Urushga oid hamma narsadan norazi bo‘lyapman”, — deydi u.
Shuningdek, Trump bir necha Yevropa yetakchilari AQShga tashrif buyurishini aytdi. Uchrashuvlarda, katta ehtimol bilan, Ukraynaga tinchlikparvar kuchlar yuborilishi masalasi muhokama qilinadi. Trump yaqin kunlarda Putin bilan muloqot bo‘lishi muhim qadam bo‘lishini qayd etdi.
Shu bilan birga, u Rossiyaga qarshi sanktsiyalarni kuchaytirishga tayyorligini bildirdi. AQSh Moliya vaziri Skott Bessant va Ukrayna bo‘yicha maxsus vakil Kit Kellogg Rossiyaning so‘nggi harakatlarini urushni kuchaytiruvchi omillar sifatida baholagan.
Ukraina rasmiylariga ko‘ra, 7 sentabrga o‘tar kechasi Rossiya tomonidan 810 dron va 13 raketa uchirilgan, natijada hukumat binosi vayron bo‘lgan va tinch aholi orasida qurbonlar qayd etilgan. Eslatib o‘tamiz, Rossiya Prezidentining matbuot kotibi Dmitriy Peskov ham Trump va Putin o‘rtasida ikkinchi mulokot raundi bo‘lishi mumkinligini tasdiqlagan edi.
