Bugun, 16 sentabr kuni Toshkent shahrining Yakkasaroy tumanida elektron peshtaxtada yong‘in sodir bo‘ldi. Bu haqda poytaxt Favqulodda vaziyatlar boshqarmasi ma’lum qildi.
Qayd etilishicha, soat 07:26 da Yakkasaroy tumani, Shota Rustaveli ko‘chasida elektron reklama peshtaxtasi yonayotgani to‘g‘risida FVBga xabar tushgan. Shunga ko‘ra, yong‘in-qutqaruv texnikalari aytilgan manzilga soat 07:31 da yetib borib, yong‘in soat 07:40 da o‘chirilgan.
Bildirilishicha, yong‘in oqibatida jarohat olganlar yo‘q. Ayrim OAVlari mazkur voqeani kelgan Janubiy vokzali yaqinida sodir bo‘lganini yozmoqda.
