Xorazm viloyatining Urganch tumanida Cobalt avtomobili va skuter ishtirokida yuz bergan yo‘l-transport hodisasi bir inson hayotiga zomin bo‘ldi.
Viloyat IIB bergan ma’lumotga ko‘ra, voqea 23 sentabr kuni D-218 avtomobil yo‘lining 8-kilometrida sodir bo‘lgan. 20 yoshli haydovchi Cobalt mashinasida harakatlanayotib, yo‘lni o‘ngdan chapga kesib o‘tayotgan skuterni urib yuborgan. Oqibatda skuter haydovchisi voqea joyida halok bo‘lgan.
Holat yuzasidan Urganch tumani IIB tergov bo‘limi tomonidan dastlabki tergov-surishtiruv harakatlari olib borilmoqda.
Ma’lumot uchun, 1 oktabrdan boshlab moped va skuterlarni boshqarish uchun haydovchilik guvohnomasi talab qilinadi.
Shu bois, yo‘llardagi xavfsizlik va huquqiy tartibni ta’minlash uchun barcha haydovchilar belgilangan qoidalarga rioya qilishi zarur.
