Хоразм вилоятининг Урганч туманида Cobalt автомобили ва скутер иштирокида юз берган йўл-транспорт ҳодисаси бир инсон ҳаётига зомин бўлди.
Вилоят ИИБ берган маълумотга кўра, воқеа 23 сентябрь куни Д-218 автомобиль йўлининг 8-километрида содир бўлган. 20 ёшли ҳайдовчи Cobalt машинасида ҳаракатланаётиб, йўлни ўнгдан чапга кесиб ўтаётган скутерни уриб юборган. Оқибатда скутер ҳайдовчиси воқеа жойида ҳалок бўлган.
Ҳолат юзасидан Урганч тумани ИИБ тергов бўлими томонидан дастлабки тергов-суриштирув ҳаракатлари олиб борилмоқда.
Маълумот учун, 1 октябрдан бошлаб мопед ва скутерларни бошқариш учун ҳайдовчилик гувоҳномаси талаб қилинади.
Шу боис, йўллардаги хавфсизлик ва ҳуқуқий тартибни таъминлаш учун барча ҳайдовчилар белгиланган қоидаларга риоя қилиши зарур.
