Qozogʻistonning Oqmula viloyatida terakt haqida uchinchi marta yolgʻon xabar bergan erkak sudlandi. Maʼlum boʻlishicha, u bu ishni yana koloniyaga tushish uchun ataylab qilgan.
Arshalin tuman sudi terrorchilik harakatlari haqida bila turib yolgʻon xabar bergani uchun ilgari ikki marta sudlangan choʻponga nisbatan jinoyat ishini koʻrib chiqdi. 2025 yil avgust oyida u 112 raqamiga qoʻngʻiroq qilib, goʻyoki Ostonadagi avtovokzalga bomba qoʻyilganini aytgan edi. Favqulodda xizmatlar voqea joyiga yetib bordi, biroq xabar tasdiqlanmadi.
«Suddа M. aybiga iqror boʻldi va oʻz harakatlarini ozodlikdan mahrum etish joylarida bepul oziq-ovqat va kiyim-kechak bilan taʼminlanish istagi, hozir doimiy yashash joyiga ega emasligi bilan izohladi», deyiladi xabarda.
Sud erkak ilgari ham shunga oʻxshash jinoyatlar uchun javobgarlikka tortilgani, ammo tegishli xulosa chiqarmaganini inobatga oldi. Unga ikki yilga ozodlikdan mahrum qilish jazosi tayinlandi.
