Murajon Ahmadaliyev, Isroil Madrimov va Bahodir Jalolov ustozlariga hurmat ramzi sifatida mashina sovgʻa qildi. Qilichev 2022 yildan buyon milliy terma jamoa boshqarib kelmoqda.
Uning qoʻl ostida Oʻzbekiston boksichilari 2023-yilgi jahon chempionati, 2024-yilgi jahon kubogi hamda Parij Olimpiadasida umumjamoa hisobida birinchi oʻrinni egallagan. Olimpiadada esa beshta oltin medal bilan tarixiy natija qayd etildi.
2024 yilda Osiyo boks konfederatsiyasi Toʻlqin Qilichevni "Yilning eng yaxshi murabbiyi" deb eʼtirof etgan. U koʻplab mashhur boksichilar – Ahmadaliyev, Madrimov, Jalolov, Abduraimov va Abduqahhorovlarning ustozidir.
