Yangi soliq tizimiga ko‘ra, 2026 yil 1 yanvardan boshlab chet elliklar muayyan shartlarga amal qilgan holda O‘zbekistondan tashqarida olgan daromadlari uchun daromad solig‘idan ozod etiladi.
Buning uchun: – 50 000 AQSh dollari miqdorida maxsus to‘lov to‘lash, – O‘zbekiston bankida hisob raqami ochish yoki litsenziyalangan kripto-birjada hamyon ochish talab etiladi.
Shuningdek, chet ellik fuqarolar O‘zbekistonda 12 oy davomida ketma-ket 30 kundan ortiq yashasa va uy-joyga egalik qilsa (yoki ijaraga olsa), ular mamlakatning soliq rezidenti sifatida tan olinadi.
Mazkur o‘zgarishlar O‘zbekistonni xorijiy investorlar va uzoq muddat yashashni rejalashtirganlar uchun yanada jozibador qilishni ko‘zlaydi.
