Янги солиқ тизимига кўра, 2026 йил 1 январдан бошлаб чет элликлар муайян шартларга амал қилган ҳолда Ўзбекистондан ташқарида олган даромадлари учун даромад солиғидан озод этилади.
Бунинг учун: – 50 000 АҚШ доллари миқдорида махсус тўлов тўлаш, – Ўзбекистон банкида ҳисоб рақами очиш ёки лицензияланган крипто-биржада ҳамён очиш талаб этилади.
Шунингдек, чет эллик фуқаролар Ўзбекистонда 12 ой давомида кетма-кет 30 кундан ортиқ яшаса ва уй-жойга эгалик қилса (ёки ижарага олса), улар мамлакатнинг солиқ резиденти сифатида тан олинади.
Мазкур ўзгаришлар Ўзбекистонни хорижий инвесторлар ва узоқ муддат яшашни режалаштирганлар учун янада жозибадор қилишни кўзлайди.
