Eronning Maqsadga muvofiqligini baholash kengashi a'zosi Muhammadrizo Bahonarning aytishicha, mamlakatda endilikda hijob haqidagi qonunga amal qilish yuridik jihatdan majburiy emas.
“Hijob o‘rash bo‘yicha qonuniy majburiyat yo‘q. Bu holat endi jarima yoki boshqa huquqiy oqibatlarga olib kelmaydi”, — dedi u jurnalistlarga.
Qayd etilishicha, qonunning o‘zi emas, balki uning majburiy bo‘lish talabi bekor qilingan. Ayollar endilikda hijob o‘rash yoki o‘rashmaslikni o‘zlari tanlaydi.
Bu qaror so‘nggi yillarda Eronda yuz bergan norozilik namoyishlari va xalqaro bosimlar fonida qabul qilingani aytilmogda. OAVlarga ko‘ra, rasmiy Tehron jamiyat ichidagi keskinlikni yumshatish va ijtimoiy barqarorlikni saqlab qolish maqsadida bunday qadamga bordi.
