Furqat ko'chasida avtobusdan chiqqan bug' yong'in deb o'ylangan, ammo hodisa motor nosozligi bilan bog'liq bo'lib chiqdi.
Bugun, 16 oktyabr kuni soat 17:47 da Shayxontohur tumanidagi Furqat ko'chasida avtobusda yong'in sodir bo'layotgani haqida Toshkent shahar FVBga xabar kelib tushdi.
Yong'in-qutqaruv ekipajlari 4 daqiqa ichida voqea joyiga etib bordi. Tekshiruv davomida ma'lum bo'lishicha, avtobus motori sovitish tizimidagi nosozlik tufayli bug' chiqqan: suv shlangi yorilib, issiq motorga tushgan va bug'lanish sodir bo'lgan.
Avtobus haydovchisi vaziyatga tezkor munosabat bildirib, o't o'chirish vositasidan foydalangan. Yong'in sodir bo'lmagan, tan jarohati olganlar yo'q.
