Фурқат кўчасида автобусдан чиққан буғ ёнғин деб ўйланган, аммо ҳодиса мотор носозлиги билан боғлиқ бўлиб чиқди.
Бугун, 16 октябрь куни соат 17:47 да Шайхонтоҳур туманидаги Фурқат кўчасида автобусда ёнғин содир бўлаётгани ҳақида Тошкент шаҳар ФВБга хабар келиб тушди.
Ёнғин-қутқарув экипажлари 4 дақиқа ичида воқеа жойига етиб борди. Текширув давомида маълум бўлишича, автобус мотори совитиш тизимидаги носозлик туфайли буғ чиққан: сув шланги ёрилиб, иссиқ моторга тушган ва буғланиш содир бўлган.
Автобус ҳайдовчиси вазиятга тезкор муносабат билдириб, ўт ўчириш воситасидан фойдаланган. Ёнғин содир бўлмаган, тан жароҳати олганлар йўқ.
