UNESCO Bosh direktori o‘rinbosari Sin Syuy (Xing Xu) va UNESCO ishlari bo‘yicha O‘zbekiston Milliy komissiyasi raisi, O‘zbekiston Madaniyat va san’atni rivojlantirish jamg‘armasi raisi, Prezident Administratsiyasi Kreativ iqtisodiyot va turizm bo‘yicha departamentining rahbari Gayane Umerova tabrik so‘zlarini yo‘lladilar.
Uchrashuvga raislik qilish uchun saylangan Gayane Umerova o‘z nutqida Samarqandning tamaddunlar chorrahasi sifatidagi ramziyligini ta’kidlab, UNESCO tomonidan belgilab berilgan sheriklik va birdamlik ruhini yangilash muhimligini qayd etdi.
Ertalabki dastur mavzuga oid ikki sessiyadan iborat bo‘ldi. Birinchisi yoshlarning huquq va imkoniyatlarini kengaytirish hamda barqaror rivojlanish uchun ularning tinchlik, inson huquqlari, ijtimoiy inklyuziya va ta’limni ilgari surishdagi roliga bag‘ishlandi. Muhokamada UNESCO, shuningdek, Germaniya, Kanada va Keniya milliy komissiyalari vakillari ishtirok etdilar.
Ikkinchi muhokama shu‘basi raqamli davrda madaniyatlar va jamolatlarning o‘zaro mulogotiga bag‘ishlanib, unda madaniy meros, barqaror turizm va Ipak yo‘li yo‘nalishlariga e’tibor qaratildi. So‘zga chiqqanlar orasida UNESCO hamda Frantsiya, Kyurasao va O‘zbekiston milliy komissiyalari vakillari bo‘lishdi.
