Agentlik ma’lumotiga ko‘ra, talabgorlar Saudi German Hospital, Dr. Soliman Fakeeh Hospital, Dr. Sulaiman Al Habib Medical Group hamda Abeer Medical Group kabi shifoxonalarda ishlashi mumkin. Ishga qabul qilish tanlovlari joriy yil noyabr oyida Toshkent shahrida va respublika hududlarida online va offline shaklda o‘tkaziladi.
Tanlov manzil va sana haqida qo‘shimcha ma’lumot keyinroq e’lon qilinadi.
Ishga qabul qilish uchun nomzodlar hamshiralik ishi bo‘yicha bakalavr yoki o‘rta-maxsus diplomga ega bo‘lishi, soha bo‘yicha kamida bir yil ish tajribasi, 45 yoshdan oshmagan bo‘lishi hamda ingliz tilini muloqot darajasida bilishi lozim. Arab tilini bilish afzal hisoblanadi.
Maosh 1000–1500 AQSh dollar miqdorida belgilangan bo‘lib, malakali mutaxassislar uchun ko‘proq to‘lov ko‘zda tutilgan. Haftasiga olti kun, sakkiz soatlik ish jadvali joriy etiladi. Turar joy ish beruvchi tomonidan ta’minlanadi.
Shuningdek, aviachipta xarajatlari qoplanadi, ishchi viza rasmiylashtiriladi, tibbiy va ijtimoiy sug‘urta bilan ta’minlanadi.
Suhbatda ishtirok etish uchun quyidagi havola orqali ro‘yxatdan o‘tish mumkin: https://forms.gle/gpjBfmKY9CMUe2aA8
Murojaat uchun telefon raqami: (+998 71) 202-33-55 (ichki raqamlar: 123, 133, 210).
