Toshkent shahar Favqulodda vaziyatlar boshqarmasi matbuot xizmati ma'lumotiga ko'ra, Olmazor tumanida yong'in sodir bo'ldi. Joriy yilning 7 noyabr kuni soat taxminan 18:40da boshqarma dispetcherlariga usbu hodisa haqida xabar kelib tushgan.
Yong'in poytaxtning Olmazor tumanidagi "Shifokorlar" mahallasida joylashgan xonadonda yuz bergan. Voqea joyiga 9 daqiqa ichida yong'in-qutqaruv ekipajlari etib borib, olovga qarshi kurashni boshlagan.
Ko'rilgan tezkor choralar natijasida yong'in to'liq soat 19:12da bartaraf etilgan. Hodisa oqibatida hech kim jabrlanmagan.
Yong'in natijasida xonadonning 30 kvadrat metr maydoni, shuningdek, maishiy texnika va mebelllar zarar ko'rgan. Hozirda yong'in sabablari va moddiy zarar miqdori aniqdanmoqda.
