O‘zbekiston iste'molchilar huquqlarini himoya qilish jamiyatlari federatsiyasi raisining tegishli buyrug‘iga asosan, Yariyev Jonibek Muzafarovich Federatsiyaning Sirdaryo viloyat hududiy birlashmasi raisi vazifasini bajaruvchi lavozimiga tayinlandi.
Avvalroq, Jonibek Yariyev JIB Xovos tuman sudi hukmi bilan Jinoyat kodeksining 205-moddasi (hokimiyat yoki mansab vakolati suiiste'mol qilish) 2-qismi “a” bandi hamda 209-moddasi (mansab soxtakorligi) 2-qismi “a” bandida nazarda tutilgan jinoyatni sodir qilishda aybli deb topilgan.
Unga 2 yil davlat ishtirokidagi korxona, tashkilot, muassasalarda mansabdorlik va moddiy javobgarlik lavozimlarida ishlash huquqidan mahrum qilib, ish haqining 20 foizini davlat davlat daromadi hisobiga ushlab qolgan holda 2,5 yil axloq tuzatish ishlari jazosi tayinlangan. Shuningdek, sobiq hokimga BHMning 105 baravari miqdorida jarima jazosi ham qo‘llangan.
