Science X jurnalida chop etilgan tadqiqotga ko‘ra, uzoq vaqt mobaynida ijtimoiy tarmoqlarda bo‘lish insonda tashvish, ruhiy zo‘riqish va stress holatini keltirib chiqaradi.
Mutaxassislar "ijtimoiy stress indikatori" deb ataluvchi yangi raqamli tizim yaratgan bo‘lib, u internetdagi muhokamalar va izlanishlar orqali jamiyat kayfiyatini o‘lchaydi. Bu vosita ma’lum mavzular bo‘yicha beqarorlik kuchayishini oldindan "sezishi" mumkin.
Olimlar ta’kidlashicha, ijtimoiy tarmoqlar endilikda faqat muloqot vositasi emas — u jamoa his-tuyg‘ular, qo‘rquv va bosimlar to‘qnashadigan maydonga aylangan. Shu bois stressni raqamli muhitda kuzatish muhim ahamiyat kasb etmoqda.
BiROq indikator hali mukammal emas: u qisqa muddatli "hissiy portlash"larni darhol aniqlamay oladi va ba’zi hollarda trolling yoki yashirin nafratni to‘g‘ri baholamaydi.
Olimlar fikricha, tizimni takomillashtirish uchun qo‘shimcha tadqiqotlar talab etiladi. Shundagina u jamiyatdagi ruhiy beqarorlikni barvaqt aniqlish va uni yumshatishda samarali vositaga aylanishi mumkin.
